mércores, 11 de novembro de 2020
luns, 9 de novembro de 2020
LECTURAS DO PRIMEIRO TRIMESTRE
POESÍA:
Obradoiro
Na contraportada anticípasenos o final. Makinaria é unha aceleración poética de cero a cen en tres segundos. Se tes arredor de quince anos este pode ser o teu libro. Trátase dunha obra chea de versos co depósito cheo de gasolina, tetosterona e alcol; un libro sen máis límite que o dun contaquilómetros que sinala unha ruta suicida, un libro de versos sen final feliz porque a Morte converte a euforia en chatarra.
Makinaria conta unha historia que posúe unha estrutura clásica: presentación-nó-desenlace. Ademais os poemas figuran agrupados en 6 bloques de contidos con nomes alusivos ao cine, á música ou aos videoxogos:
- Roedores de caucho: Este libro está protagonizado polos "roedores de caucho", os mozos que levan "gasolina inxectada en vea" e "coches maqueados", tal "gallos de pelexa...drogados de adrenalina".
- Need for speed. Presenta 4 poemas vertixinosos, rápidos como a obsesión pola velocidade.
- Radical fire: organízase en 6 poemas arredor das relacións e o ligue, a "comida basura" e a diferenza cuns pais que nunca sentiron a vertixe dunha derrapaxe a fondo, entre o desconcerto de non saber "a que maldito lugar/ me vai ir arrastrando/esta carretera secundaria/á que lle din día de mañá".
- Sound play session: Conten dous poemas nos que a velocidade é uhna vía de escape a toda máquina na noite sen meta, que ten o cemiterio como destino.
-061: Agrupa 5 poemas avanzando desde a ambulancia e a desesperación materna á autopsia, a nota necrolóxica e a chatarra que é no nicho "chatarra da memoria".
-Game over: Inclúe 4 poemas, que van dende a imprecación á segunda persoa ao destino fatal sen retorno, ao nicho no que o suxeito poético reclama "flores/lozanas e frescas/para que se pudran/ aquí comigo".
TEATRO: Como podemos incorporar as obras de teatro nas clases? Heidi Kühn-Bode expón seis obras de teatro de fácil interpretación nas aulas, animando a todos os mestres e mestras a realizar unha actividade diferente e atractiva, que permitirá aos nenos e nenas soñar, á vez que adquiren organización e independencia.
HISTÓRICO-ROMÁNTICA: Debido ao éxito do curso pasado con EL tiempo entre costuras, este curso repetimos con alumnado novo esta lectura. Confiamos en que poidan ler e ver a serie. Se nos dá tempo a idea é ler a continuación a nova historia de Sira, a protagonista, que pronto sairá á venta.
Subscribirse a:
Publicacións (Atom)
-
Este ano o noso alumnado gozou dun día de praia e de aventuras no ecoparque de Marín. Primeiro pasámolo ben facendo castelos de area e bañ...
-
A nosa alumna de poesía está feita toda unha poetisa e nos mostra o ben que recita un poema de Poetízate. Para a próxima vaise animar a reci...