O CORNO

O alumnado do Club tivo a sorte de asistir no auditorio do Carballiño á proxección de O corno, a 1ª película en galego gañadora da Concha de Oro de San Sebastián 2023. Tamén asistiu a directora da película e ao finalizar responder ás preguntas que lle fixo o alumnado.  

 

BENVIDOS A TODOS E TODAS

 

CLUB DE LECTURA 2023-24

O club de lectura do CPI Terras de Maside comezou  un novo curso escolar. O alumnado interesado en participar nas actividades do Club comunicouse coa coordinadora e/ou Patricia, colaboradora do Club, para escoller o seu xénero favorito. Este ano organizamos os seguintes grupos: teatro en galego e inglés, novela de aventuras e de misterio e cómic manga. 

O luns 18 de setembro inauguramos o Club de Lectura e o novo espazo para a súa realización na biblioteca de Infantil e Primaria coa participación de todo o alumnado que vai asistir aos distintos grupos que temos organizado. A partir da próxima semana comezamos as reunións que serán cada 15 días e da seguinte maneira:

Luns: teatro de inglés e novela de aventuras coa teacher Patricia.

Martes: teatro de galego e cómic manga con Isabel.

Venres: novela de misterio coa profesora Chus.

RECOMENDACIÓNS DE NOVELAS PARA O VERÁN

Nos contos de Saturno tamén é Deus a morte, o medo, a angustia, ou simplemente o descoñecido asumen a condición de presenzas activas e poderosas que converten os seres humanos en meros instrumentos do seu xogo.

Porque ás veces a verdade (non) é só aquilo que queremos crer.

Elsa Benavides é unha escritora de éxito cunha crise creativa e unha obsesión: matar ao personaxe que a catapultou ao éxito. Pero a solución aos seus problemas non pasa por electrocutar a Valentina cun móbil na
bañeira. É a punta do iceberg dunha ferida máis profunda.

Cada seis meses, coma un cravo, os empregados dunha pequena sucursal bancaria reciben a visita desagradable da señora Gondar, unha muller de aspecto miserable e cun fedor corporal insoportable que controla ata o mínimo detalle as súas contas millonarias. Amanda, unha novísima empregada da oficina, aténdea unha soa vez. Un mes despois do encontro, a señora Gondar falece e Amanda convértese inesperadamente na súa única herdeira. A moza, xunto co seu amante xornalista, Enric, comeza unha investigación sobre a identidade da anciá e descobre a historia vital que uniu de por vida a dúas mulleres poderosas: os terribles segredos que as devoran, as culpas que as perseguen e a tóxica relación entre elas que remata nun final perturbador. Amanda non só herdou unha fortuna, tamén herdou unha culpa. 

A partir do concepto xeométrico de dimensión artéllase este delicioso libro de poemas onde prima a compoñente lúdica e imaxinativa que conecta directamente co mundo da infancia. A poesía entendida como xogo. A poesía entendida como fonte de diversión. A poesía reivindicada, ademais, como unha dimensión con entidade propia. Ler «Unha nova dimensión» é asistir a un festival de creatividade. É un estímulo para a imaxinación!

«Búscase persoa curiosa para resolver crime que aínda non se cometeu.» A aparición desta mensaxe na sección de anuncios por palabras dun xornal esperta a atención de Erundino Terrón, un filósofo solitario e rosmón. Xunto coa súa secretaria Irma, verase inmerso nunha investigación contra o reloxo que o levará a desentrañar as mensaxes cifradas que chegan cada mañá nas páxinas do diario.Unha investigación chea de humor e intriga que che descubrirá a cara máis sorprendente da filosofía e na que, buscando respostas, tan só atoparás preguntas.

RECOMENDACIÓNS DE CÓMIC PARA O VERÁN

Hoxe queremos ampliar as recomendacións dos libros de cómic que vos deixamos o Día do Cómic e deixarvos aquí un enlace para que poidades ter acceso ás novidades.

“No nací hombre ni mujer. Nací bebé. Necesito tiempo para saber quién soy.”

Así comeza a autobiografía ilustrada de Roberta Marrero: a historia real dunha nena que nace no corpo dun neno e do seu camiño cara ao autodescubrimento e a afirmación da súa propia identidade.

Durante os equinoccios, o día iguala a extensión da noite. Coma se o mundo atopase un equilibrio perfecto entre a sombra e a luz. Un equilibrio fuxitivo, parecido ao designio dos destinos humanos. Un relato en catro estampas, catro estacións atravesadas por personaxes de todos os horizontes xeográficos e de toda procedencia social. Seres dun equilibrio inestable que cruzarán novas soidades e que tecerán, entre uns e outros, o tenue fío da conciencia atormentada polo enigmático sentido da vida. Catro estacións coa súa propia identidade gráfica, catro voces.

Gustaríame pintar a natureza, confesa unha moza debuxante francesa ao poñer un pé en Xapón. Pola súa banda, un artista xaponés tenta pintar unha muller. Que natureza: a que tranquiliza ou a que desborda? E que muller? Nami, quizais, que rexenta a pousada de baños termais na que ambos os artistas se hospedan? Catherine Meurisse viviu durante varios meses en Vila Kujoyama, unha residencia para artistas en Kioto, onde quixo inspirarse e retomar o seu labor baixo unha nova perspectiva, mergullada nas ricas paisaxes xaponesas, co fin de darlle un novo sentido á súa obra e redescubrirse a si mesma.

Espanto reúne un imaxinario do absurdo, medos, fantasías e situacións inquietantes; debuxos nos que se mesturan o estraño e o marabilloso a través do branco e negro.

Chega o segundo tomo de Laberintos, a nova e inquietante triloxía de tintes autobiográficos de Charles Burns.

Para Brian e Laurie, respectivamente o mozo cineasta atormentado e a súa nova musa, chegou o momento de comezar a rodar.

Charles Burns entrelaza sutilmente o cine e a vida real. O resultado é unha novela gráfica que constrúe a súa narración en torno á relación entre o inconsciente e a súa representación.

No cámping ao que chega Lucy está Roman: un mozo aventureiro e brusco. Coñece o lugar como a palma da súa man, nada podería asustarlle. Pero cando atopa unha nova cabeza no seu camiño, a de Lucy, convértese nun animal feroz. O que se atreve a estender a man é mordido! Durante unha fugaz estancia, os dous nenos aprenden a domesticarse mutuamente. Aos poucos a curiosidade polo outro gañará á desconfianza.

Guiado polo seu instinto, un bebé escapa do berce no medio da noite e logra alcanzar o cemiterio máis próximo á súa casa. O individuo que o persegue, coitelo en luva, acaba de asasinar a toda a súa familia e está decidido a terminar con el. Pero os espectros do camposanto protexen ao pequeno e acaban acolléndoo nas súas terras. Aínda que esta vez escapóuselle, o sinistro home Jack non descansará ata cumprir a súa misión…

Logo do éxito recollido pola novela de Berta Dávila, a autora, abeirada á pluma certeira de Pablo Prado, ofrécenos esta novela gráfica. De novo os mesmos personaxes atrapados polas paixóns da alma máis contraditorias. Capaces de amar, de odiar, de agochar segredos que só poden saír cando a vida chega á súa fin.

LETURAS 3º TRIMESTRE

 AVENTURAS

Última entrega da apaixonante serie de aventuras protagonizada por Úrsula, Martin, Lucas e Rowling, os heroes da Secret Academy.

Un misterioso Ser chega á Isla Fénix no que parecía ser un meteorito. Martin, controlado polo Ser, vólvese contra os seus compañeiros e trata de tomar o control da illa.

Mentres tanto, Lucas intenta rescatar a Úrsula, que foi capturada polos Escorpións; Rowling segue perdida na selva amazónica, e os gobernos de todo o planeta deciden deter a todos os Elixidos. Ninguén sabe que o plan do Ser é destruír por completo a humanidade...

A opinión dos lectores:

«La última misión es el cierre de una saga completísima, llena de acción, de ciencia ficción y de persecuciones que ha madurado gradualmente. Con una trama global intensa y varias subtramas que se han ido diversificando y ganando importancia de la mano de unos personajes que han crecido a la par de la historia, y con los que no hay bandos buenos ni malos.»

Blog Érase un libro.

En breve teremos tamén a opinión dos nosos lectores do Club sobre esta saga.

TEATRO GALEGO. O ACHADO DO CASTRO

A pesar da súa brevidade é unha obra moi grande que xa puxemos neste Club e que tivo moi boa acollida por parte do alumnado polo que decidimos poñela de novo para o alumnado de 1º ESO. O outro grupo de teatro en galego continúa coa obra de Castelao Os vellos non deben de namorarse.

O autor lévanos á Roma antiga, mais faino xogando coa lingua obrigando a que os personaxes falen coma nós, con termos de hoxe en día, o que nos leva a situacións moi cómicas dende un "latín" un chisco especial. Como boa historia romana, hai un emperador, que é de todo agás espelido, soldados, filósofos barbudos e sabios, e... unha historia de amor. Humor, situacións inauditas e, sobre todo, unha lectura engaiolante.

DÍA DO CÓMIC

CELEBRACIÓN DO DÍA DO CÓMIC. 

Hoxe, 17 de marzo, celebramos o Día do Cómic e imos deixarvos aquí unhas recomendacións de lectura para que gocedes duns dos vosos xéneros preferidos e vexades que hai algo máis que o manga xaponés que tanto vos gusta.

Mary Lennox é unha nena inglesa moi consentida que vive cos seus pais na India. Cando dun día para outro queda orfa, debe marchar vivir co seu tío a Inglaterra. E alí atoparase coa súa misteriosa mansión, con máis de cen habitacións e innumerables segredos.

Cansado de esperar noticias postais da súa nai, Yodo encamíñase á cidade en pos da correspondencia extraviada. Esa carta ten que estar en algures! Polo camiño recollerá a Rebecca, unha autoestopista que viaxa coa misión de entregar un maletín sobre cuxo contido é mellor non preguntar. A circunstancia do un e do outro postas en común van dar lugar a unha infinidade de tribulacións por terra, mar e aire, onde nada será o que parece.

Un inmenso asteroide aproxímase á Terra en traxectoria de colisión. Alexander Yorba, afamado arquitecto de mediana idade, é o encargado de idear e erguer con urxencia unha colonia lunar para asegurar a supervivencia da humanidade ante o inevitable desastre.

Sofía fixo do bosque o seu refuxio durante as vacacións. Alí pasa as horas debuxando, inmersa no seu caderno. Pero o rumbo do verán cambia de forma inesperada cando coñece a Jess. De súpeto vese envolta en novas situacións que a levan a enfrontarse aos seus medos, pondo en perigo a súa recente amizade.

Este podería ser o retrato do artista adolescente de Charles Burns, pois resulta difícil non ver en Brian Milner, o protagonista de Labirintos, ao alter ego do autor. Neste primeiro volume empezaremos a coñecelo: Brian é un adolescente tímido, prodixiosamente dotado para o debuxo, que está obsesionado co cinema de terror e que debe loitar día tras día contra os seus medos interiores. Cando recibe, sen esperala, a cálida atención de Laurie, unha rapariga da súa idade, as fronteiras entre a realidade e a imaxinación empezarán a confundirse.

A mediados dos 70, unha epidemia que só afectaba aos adolescentes aparece nos arrabaldes de Seattle. Chamárona a " praga dos quinceañeiros" e manifestábase a través de síntomas do máis impredecible. Para algúns non foi demasiado dramático: apenas uns vultos. Outros en cambio convertéronse en monstros. E non eran só síntomas pasaxeiros. unha vez contraída a infección, quedabas convertido niso para sempre.